هذا كلام كتبو رشيد نيني وسيفن مان عليه تغني:

أنا باق هنا في المغرب إلى نهاية أيامي. وسأظل قابضا على هذه الجمرة مهما كلفني الثمن. وعلى الذين يتمنون رحيلنا من هذه البلاد لكي يخلو لهم الجو، أن يتخلوا عن هذا الحلم، لأننا عازمون بكتاباتنا على جعل كل من يكره هذه البلاد يغادرها بلا رجعة.
7 KIM
منين قريت هاد الكليمات
ذرفت العين دمعة وبكات
عرفت بلي كاينين رجال
بحالهوم ماكاينشي بحال
بغاو المغرب يكون بلاد زين
فيه العدل بلا مفسدين
7'LED
رجال يتمسكو بالارض يرفضو يهاجرو الاوطان
من الخوف ولا من الجوع ولا هروب من العديان
7 KIM
واخا هددوهوم فظلام الليل واخا شربوهوم الويل
واخا حكمو عليهوم ب 600 مليون سنتيم
الحكم جاير سبابو حرب بدات من عهد قديم
منين على الحق يكتب قلم يتيم
7 LIGHT
رشيد نيني صحفي من النزهاء
من الصباح حتى المساء
7KIM
يفرش الفساد ويخلع الجبناء يرفض الكعاد ويتابع الوزراء
ويبين الخـــــــلل فميزان القضاء
ابى من ابى او شاء من شاء
7MR12
سيفن مان من الناس لي تايحبوه
بغينا اليوما باش نساندوه
7MR12 &7'LED
المساء فتحات للشعب اليوما العيون
اجيو نوقفو معاها نساندو المظلوم
حتى لإيمتى يادولة الحق والقانون
غادي يبقى المغربي منا ديما محروم
ولي طالب بحقو فينا ولا مجنون
ولي يقول الحق يصبح من الكلام محروم
7MR12
ربعة تالنواب ماشي سبعة
بغاو احرقو البلاد باو يخلو الطبعة
الطبعة فالتاريخ باش يوسخو السمعة
سمعة القضاء على الصحافة بنت الصقعة
باغين تبنو شي قلعة بلا حرفة بلا صنعة
رضيتو بالمال الحرام تنوما ياكروش الشبعة
7'LED
اجي تشوف الحكم فالمغرب وانت تحكم
سمع وانت تعلم .وقولي عدل ولا ظلم
7LIGHT
600 مليون سنتيم مايجمعها هي الفم
قالو السبة تعويض والحقيقة الله اعلم
وحتى انت تعلم والفاهم يفهم
7'LED
باو القلم ينعدم يتعدم ويتردم
لي يهتم يتشم .. لي يخدم يتخدم .. الاعلام تعتم ..
يسمم بلا ما يرحم ..فالصميم عمم..بالميم تكلم ترتاح من الهم
باونا دايمـــــــ..ــا ضاربين الطم ..
خرج الدم من العظم السواط مندم ..
ويلا الفم ماكتم السباط يزطم ..
مــــــــاســـــــــــاكـــــتــــيـــــنــــــــــش
7LIGHT
فهاد المسا جينا نتعاونو مع المساء بينا نضامنو
ولي ساء راهوم خانو ولي نسى يمشي فحالو
وابلا عصا رد ليه ديالو يالرجال يالنسا ولدو بحالو
7'LED
كنا تانغنو للصغار مومو نيني باشي ينعسو
واليوم تانقولو للكبار قراو لنيني باش تفيقو
7MR12
كنا تانغنو للصغار مومو نيني باش ينعسو
واليوم تانقولو للكبار قراو لنيني باش تفيقو
7 KIM
كنا تانغنو للصغار مومو نيني باش ينعسو
واليوما تانقولو للكبار قراو لنيني باش تفيقو
7MR12 &7'LED
المساء فتحات للشعب اليوما العيون
اجيو نوقفو معاها نساندو المظلوم
حتى لإيمتى يادولة الحق والقانون
غادي يبقى المغربي منا ديما محروم
ولي طالب بحقو فينا ولا مجنون
ولي يقول الحق يصبح من الكلام محروم
7MR12
وحدين مارضاو بالكلام لي يفرشهوم هاد العام
القصر الكبير فيه الزحام الرجال ناضو به القدام
بعدما درتو مابغيتو راجل براجل فوسط الظلام
اش هادا؟؟ الحماق هادا !!
مابقاش نافعين السيوف خاصنا معاكوم الفرادا
صبري راه التقادا وبحالي غير على مادا
بلد اسلامي هدا ولا هندوسي بودا ؟؟
سحابكوم باقى البرادة مقلوبة كيف العادة ؟؟
7MR12 &7'LED
شكون اليوما داها فينا ؟؟
فينا داها اليوما شكون ؟؟ منين اليوما بدينا نغنيو
كلامنا زايد ناقص عليهوم شحال من واحد قبل منا
أوقبل منا واحد من شحال
تكلم هضر بحالا ما هضر تكلم وقال بحالا ما قال
7'LED
بينا اليوما الشعب كلو يقول باش يقولو قالو ماشي هير قال واحد بوحدو وحيد يتيم كتب شي مقال
بينا اليوما الشعب كلو يقول باش يقولو قالو ماشي هير قال واحد بوحدو وحيد يتيم كتب شي مقال
عازمون بكتاباتنا على جعل كل من يكره هذه البلاد يغادرها بلا رجعة
7'LED
صوت واحد وسط مليون ساكت يتسمع
يالساكتين تكلمو صوت الباطل اتخلع
حنا مع كل منبر حر يهضر بلا يزور الاخبار فالمقر
انت يا سرالشر فالاخر هير سر لبرا سافر
صور الاورو مور البحر ولا انتحر انت حر
7LIGHT
سمع للشعب كلام طيب فالنت كتب
عتمان الكناوي – المغرب
انا طالب ولدي مدخرات مالية وبما ان المساء محتاجة الى هدا المبلغ الخيالي ارجوا ان تكتب رقم حسابها وسوف اضع هدا المال هناك
نورالدين – المغرب
ادا ضربت من الخلف فاعلم انك في المقدمة.
واحد المليون من عندي شوف ليك الباقي
Jahja - النمسا
من عندي إن شاء الله 2 مليون سنتيم

ومن غير هادو كثار ، وكل مغربي حر غيور على بلادو، مستعد يوقف اليوما يتضامن مع المساء

زوروا هذا الموقع إضغط هنا

www.blafrancia.com